2023 жылдың 2 наурыз күні 8-наурыз Халықаралық әйелдер күніне орай мектеп-гимназиямыздың 5-7 сынып арулары арасында “ Burymdy quz” қыздар байқауы өткізілді.

Байқаудың мақсаты: қазақ халқының бойындағы ұлттық дәстүрімізге сай әдептілік, көріктілік, ептілік, инабаттылық, кішіпейілділік, сұлулық т.б. жан-жақты ұлттық қасиеттерін таныта білу, қазақ халқының ұлттық өнерін, салт-дәстүрін дәріптеуге үйрету, оқушылардың танымдық және шығармашылық қабілетін, эстетикалық талғамын, шеберлігін дамыту, мейірімділікке тәрбиелеу.
Аруларымыз “Амандасу-танысу”, “Салт-дәстүрім-алтын қазынам”, “Бұрымды қыз” шарттары бойынша сынға түсті. Нәтижесінде “Бұрымды ару” номинациясын иеленген 7 “Б”сынып аруы Бимағамбет Гүлдана (шашының ұзындығы 81см), Бас жүлде 7 “Ә” сынып аруы Санақ Айнұр, І орын иегерлері 5 “Ә” сынып аруы Рахым Кәусар, 6 “В” сынып аруы Айдар Кәусар, ІІ орын иегерлері 6 “Ә” сынып аруы Қайрат Дана, 7 “А” сынып аруы Дәулеткерей Гүлден, ІІІ орын иегерлері 6 “А” сынып аруы Алғабек Айым, 6 “Г” сынып аруы Сейіл Ақбота және қалған қатысушы аруларымыз Алғыс хатпен марапатталды.
Барша аруларымызды келе жатқан мерекелерімен шын жүректен құттықтаймыз. Сіздерге зор денсаулық, береке-бірлік, мол бақыт тілейміз! Оқуда озат болыңыздар!
Ұйымдастырушы: мектеп тәлімгері Г.Сайлаубаева, мектеп кітапханашысы М.Базарбаева @obrazovanie_gorod_aktobe@aqtobe_bilim_basqarmasy