1.03.2023ж. 2016 жылдың 14 қаңтардағы №173 Жарлығы негізінде 1 наурыз Қазақстан халқы Ассамблеясының құрылған күніне орай 1 наурыз Қазақстанда Алғыс айту күні болып жарияланды.
Мектеп- гимназия директоры Романова Жания Орынжайқызының, 1953 жылғы мектеп түлегі, ардагер ұстаз, ҚР-ң оқу ісінің үздігі, Ы.Алтынсарин төс белгісінің иегері, Ұлы Отан соғысының еңбек ардагері, облыстық ішкі саясат жанынан құралған ақпараттық кеңес мүшесі, облыстық білім басқармасының ақсақалдар кеңесінің мүшесі Қуан Қамалхан Қуанұлының, Ақтөбе облыстық жастар мен балалар ұйымдарының қауымдастығы төрағасы Табылғанов Жандос Махмутұлының және мектеп әкімшілігінің қатысуымен Алғыс айту күніне арналған "Алғысымыз шексіз" атты мерекелік іс-шара өтті. Демеушілік көмек көрсеткен “Ақтөбе қалалық орталық мешіті”, “Jusan bank” АҚ Ақтөбе филиалының ұжымына, ұстаздарға, Ақтаев ата-аналарға, "Қамқорлық"фракциясының мүшелеріне мектеп- гимназияның директоры Романова Жания Орынжайқызы алғысын білдіріп, алғыс хаттарын табыс етті. Ақтөбе облыстық жастар мен балалар ұйымдарының қауымдастығы төрағасы Табылғанов Жандос Махмутұлы бәрін құттықтап, мектеп әкімшілігін, қайырымдылық көмек көрсеткен ұстаздарын, ерікті білім алушылардың класс жетекшілерін алғыс хаттарымен марапаттады. Алғыс айту күніне арналған Ақтаев өнерпаз оқушылары барша ұстаздарға, қонақтарға, ата-аналарға, оқушыларға жетекшілерімен бірге дайындаған мерекелік концерттік бағдарламаны паш етті. Күнде мейірім қалай төгілсе, алдағы бар ғұмырларыңыз да дәл осылай нұрлана берсін! Береке- бірліктеріңіз тасысын, баршаңызға деген алғысымыз шексіз!
@obrazovanie_gorod_aktobe
@aqtobe_bilim_basqarmasy
@amido_aktobe
#ШерРаисаПетровна
#алғысайтукүні?
#алғысайтукүніқұттыболсын
#алғысайту2023
