Бүгін, 01.10.2024 ж. күні Ғ.Ақтаев атындағы №6 мектеп-гимназиясында құрметті зейнеткерлеріміз, қазыналы қарттарымыз, ұлағатты ұстаздарымызбен өткізілген мерекелік кездесу сағатымыз жоғары деңгейде, әсерлі де мағыналы ұйымдастырылды???
Үлкенге ықыласты ниетпен зор құрмет көрсетіп, кісілік ілтипатпен мархабат танытқан және де сән- салтанатқа толы ән, би, күйден шашу шашып, адал кәсіп иелері атанған қарияларымызға ата салтымен ақ дастархан жайған барлық құзыретті әріптестерімізге, олардың игі бастамаларын қош көріп, іздеріне ілескен рухты шәкірттерімізге ризашылық көңілімізбен қайта- қайта алғыс айтамыз. Киелі білім шаңырағымыздың шежірелі тарихына маңдай терлері сіңген зиялы қарттарымызға риясыз қызмет көрсеткен мектеп-гимназия басшысы Жания Орынжаевнаға, мектеп әкімшілігіне , кәсіподақ төрайымы Айымкүл Қылышбаевнаға және ұйым мүшелеріне, Гүлнар Сериковнаға және жастар командасына, жүргізушілер: Назерке Қайратқызы мен Ғарифулла Сейфуллаұлына, барлық ер азаматтарымызға алғыстарымызды жаудыртып, ақ баталарымызды үйіп- төгеміз. Креативті жастарымыздың қуатты үндері мен батыл қимылдары көңіл көкжиегімізге гүл екті. Ақтаев абыройын асқақтатқан, ынтымағы жарасқан үш Одақтың қамалы берік.“ Батамен ел көгерер…” Келер жылы бұйырса, торқалы 90 жасқа толатын барлық зейнеткер ұстаздардың қариясы, физика пәнінің жілігін шағып, майын ішкен Алатау ұстазымыз Ақабай Боранбайұлы ақ батасын берді ?Мектеп- гимназиямыздың кешегі көздеріне құрметпен бас иіп, тағзым ету - бүгінгі іздерінің берекелі міндеті☀️☀️☀️
@aqtobe_bilim_bolimi @aqtobe_bilim_basqarmasy
