Ғ.Ақтаев атындағы # 6 мектеп-гимназиясында директордың оқу-тәрбие жұмыстары жөніндегі орынбасары Д.Б.Муханбедиярова мен кәсіподақ ұйымының төрайымы Ж.Т.Турешованың ұйымдастыруымен ғылым негіздері бойынша республикалық олимпиаданың облыстық кезеңінің орыс тілі пәнінен 2-орын жүлдегері 11-класс оқушысы Зинедина Назымның жетекшісі, педагог-зерттеуші, сабырлы, парасатты ұстаз Еркибаева Клара Николаевнаны жеңісімен құттықтап, марапаттау рәсімі өтті. Оқу үрдісі уақыт талабымен қаншама өзгергенімен, бәрібір тек ұстаз ғана оның мазмұнын оқушы санасына жеткізе алады.

Пәндік олимпиада - оқушылардың білім деңгейін тексерудің бұқаралық сипаттағы жарыс түрінде өткізілетін бірден-бір формасы. Оқушы бойындағы белсенді , шешуші іскерлік-дағдыларды қалыптастырып, дамытуда ұстаз біліктілігінің рөлі зор. Осы талап деңгейінде шығармашылықпен нәтижелі еңбек етіп келе жатқан креативті ұстаз мектеп-гимназиямыздың мәртебесін биік белеске көтеріп, ұжым мүшелерінің ризашылығы мен шексіз алғысына бөленді. Тек қана алға, құрметті Клара Николаевна!!!