Бүгін, 15 сәуір, 2022 ж. күні Ғ. Ақтаев атындағы # 6 мектеп- гимназиясында " Алғашқы әскери және технологиялық дайындық оқытушы- ұйымдастырушысының кәсіби құзіреттілігін дамыту" тақырыбында Ақтөбе облысы бойынша ҚДИ кафедра оқытушысы Б.Х. Бұхарбаевтың жетекшілігімен облыстық семинар ұйымдастырылды.
АӘД "педагог-зерттеуші" оқытушы-ұйымдастырушысы, майор Е.Қ.Түбір заманауи ашық сабақ өткізіп, теориялық және практикалық озық іс-тәжірибесімен әріптестерімен бөлісті. Мектеп-гимназия басшысы Ш.С. Жанғалиева мен оқу-тәрбие жұмыстары жөніндегі орынбасары Д.Б.Муханбедиярова білім алушыларға әскери анттың рөлі мен маңызын түсіндіріп, әскери мамандыққа қызығушылықтарын арттырып, әскери білім алуға ұмтылысын ынталандыруда , әскери қызмет пен міндет деген саналы жауапкершіліктерін қалыптастыруда АӘД пәнінің рөлі мен қуатына тоқталды. Семинар қонақтары алған әсерлерімен бөлісіп, ыстық ықыласпен кері байланыс жасады. Соңы ескерткіш фото бейнеге түсумен тәмамдалды.
