2022 жылдың 20 қазаны күні Ғ.Ақтаев атындағы №6 мектеп-гимназиясында облыстық ғылыми-әдістемелік орталықтың бөлім басшысы Куразова Құралай Ильясовнаның жетекшілігімен қазақтың заңғар жазушысы, академик Мұхтар Омарханұлы Әуезовтің туғанына 125 жыл толуына арналған “Абайға қалам тартқандар көп, бірақ Мұхтар жалғыз!” тақырыбында қазақ тілі мен әдебиеті пәндері мұғалімдері бас қосқан облыстық әдеби-ғылыми-сазды кеш өткізілді. Мектеп-гимназиясы басшысы Романова Жания Орынжаевна алғысөзінде қазақтың ақиық ақыны Абай мен заңғар жазушы Мұхтар Әуезовтің шығармашылығынан сыр шертіп, кеш қатысушыларына сәттілік тіледі.

Директордың оқу-тәрбие жұмыстары жөніндегі орынбасарлары Муханбедиярова Дина Базарбаевна , Кушекбаева Фарида Абсатовна, Сулейменова Ақгүл Сапаровна, Жүсіп Гүлмира Тұрмұханқызы " Абай жолы" эпопеясының 1-кітабы бойынша жан-жақты талдау жасады.
Бір топ ұстаздар мен мектеп түлектері сахналық қойылым көрсетті.
Гимназияның жас ұстаздарынан құралған “Ақтаев хоры” “Көзімнің қарасы” және “Желсіз түнде жарық-ай” өлеңдерін жүрекке жеткізе орындады.
Абайдың қарасөздері мен өлеңдері нақышына келтіре оқылды.
Әдіскер Құралай Ильясовна белсенділік танытқан шығармашыл ұстаздарды, " Ақтөбе-Дарын" қосымша білім беру орталығының әдіскері Рита Оразовна барлық дарынды шәкірттерді Алғыс хаттармен марапаттады.
Соңында келген қонақтарға сыйлықтар мен Абайдың қара сөздері жиынтық дискісі сыйға тартылып, қонақтары ескерткіш суретке түсті.
Барлық келген қонақтар мен қатысушыларға ерекше алғымызды білдіреміз.
“Ғ.Ақтаев атындағы №6 мектеп-гимназиясының” ұжымы.
@obrazovanie_gorod_aktobe @aqtobe_bilim_basqarmasy
@aktobe_orleu