Бүгін, 15.01.2024 ж. күні Ғ.Ақтаев атындағы №6 мектеп-гимназиясында директордың ғылыми-әдістемелік жұмыстар жөніндегі орынбасары Муханбедиярова Дина Базарбаевна ағымдағы айдың соңғы аптасына жоспарланып отырған облыстық семинардың бағдарламасы бойынша бастауыш сыныптың тәжірибелі, шығармашыл, креативті ұстаздарымен кеңесу сағатын өткізді.

“Педагог-зерттеуші” ұстаздар: Табылдина Баглан Жалгасбаевнаға, Жусипова Орынкул Айдархановнаға және “педагог-модератор” маман Гүлнұр Шуақбайқызына үш буынның өкілдері ретінде педагогикалық іс-тәжірибелерімен бөлісу жөнінде ұсыныс жасалып, өткізу формасы мен әдіс-тәсілдері жөнінде идеялар таразыланды. Бір аптадан соң кері байланыс күтілетіндігі келісілді. Есімдері мақтанышпен аталатын ұстаздарымыз бұл ұсынысты қолдады.
Кіші мектеп жасындағы балаларға жан-жақты, сапалы білім беруде өлшеусіз тер төгіп келе жатқан құрметті Баглан Жалгасбаевнаға, Орынкул Айдархановнаға, Гүлнұр Шуақбайқызына артылар сенім мол, күтілер нәтиже зор.

@obrazovanie_gorod_aktobe@aqtobe_bilim_basqarmasy